विदाउट इन्व्हेस्टमेंट एक्सपोर्ट-इम्पोर्ट व्यवसाय कसा सुरू करावा?
आजच्या डिजिटल युगात, व्यवसाय
करण्याच्या शक्यता वाढल्या असून, कमी गुंतवणुकीत मोठ्या संधी उपलब्ध झाल्या आहेत.
विशेषतः एक्सपोर्ट-इम्पोर्ट म्हणजेच आयात-निर्यात व्यवसाय हे क्षेत्र आजच्या
तरुणांपासून गृहिणींपर्यंत, नोकरी करणाऱ्या लोकांपासून विद्यार्थ्यांपर्यंत
सर्वांसाठी खुले झाले आहे. आणि या व्यवसायाची सर्वात मोठी खासियत म्हणजे तो तुम्ही
अगदी "विदाउट इन्व्हेस्टमेंट" म्हणजेच कोणतीही भांडवल न लावता सुरू करू
शकता!
स्वतःची
कंपनी सुरू करून व्यवसाय
जर कोणी स्वतःची कंपनी स्थापन करून हा
व्यवसाय सुरू करू इच्छित असेल, तर सुरुवातीस सुमारे ₹४०,००० ते ₹५०,००० इतकी
गुंतवणूक अपेक्षित असते. यामध्ये कंपनी रजिस्ट्रेशन, आयईसी कोड, आरसीएमसी,
वेबसाईट, एफएसएसएआय इत्यादी मूलभूत गोष्टींचा समावेश होतो. एकदा ही तयारी झाली की,
आपण एलसीएल (LCL) किंवा एफसीएल (FCL) पद्धतीने निर्यात करू शकतो. ग्राहकाकडून अ‍ॅडव्हान्स
पेमेंट घेऊन उरलेले व्यवहार LC (लेटर ऑफ क्रेडिट) किंवा कॉपी ऑफ BL (बिल ऑफ
लाडिंग) च्या माध्यमातून करता येतात.
जॉइंट
वेंचर स्ट्रॅटेजी – शून्य गुंतवणुकीत व्यवसाय
परंतु जर कोणी व्यवसायासाठी भांडवल
नसेल तरीही ते या व्यवसायात उतरण्याची एक उत्तम संधी आहे – जॉइंट वेंचर
स्ट्रॅटेजी. या मॉडेलमध्ये आपल्याला कोणतीही गुंतवणूक करावी लागत नाही. केवळ
निर्यात-आयात व्यापाराचे योग्य ज्ञान आणि प्रशिक्षण आवश्यक आहे. यानंतर एखाद्या
उत्पादक कंपनीशी करार करून, आपण त्यांच्या उत्पादनांसाठी परदेशी खरेदीदार शोधतो
आणि त्यातून आपल्याला नफा टक्केवारीत मिळतो (उदा. ३०%-५०%).
उत्पादक कंपनीकडे आधीपासून सर्व
कागदपत्रं, कंपनी रजिस्ट्रेशन, GST, वेबसाइट इत्यादी असतात. आपण केवळ बायर म्हणजेच
खरेदीदार शोधून त्यांना कंपनीशी जोडतो आणि त्यातून कमिशन घेतो. यामध्ये कोणतीही
आर्थिक जोखीम नसते.
कोण
करू शकतो हा व्यवसाय?
- विद्यार्थी
- गृहिणी
- नोकरी करणारे
- गावात राहणारे लोक
फक्त इंटरनेट, एक लॅपटॉप/डेस्कटॉप आणि
एक्सपोर्ट-इम्पोर्टचं प्रशिक्षण असलं की, कोणीही आपल्या घरातूनही हा व्यवसाय करू
शकतो. मोबाइलवर सुद्धा हे शक्य असलं तरी लॅपटॉपवर काम करणं अधिक व्यावसायिक ठरतं.
मुख्य
यशाची गुरुकिल्ली – बायर फाइंडिंग स्कील
या व्यवसायात सर्वात महत्त्वाचं
कौशल्य म्हणजे बायर शोधणं आणि त्यांना कन्व्हिंस करणं. जो कोणी हे शिकतो, तो
कोणत्याही प्रॉडक्टसाठी परदेशात खरेदीदार शोधून त्यातून अ‍ॅडव्हान्स ऑर्डर मिळवू
शकतो. त्यामुळे ही एक अत्यंत फायदेशीर आणि वाढीच्या संधी असलेली क्षेत्र आहे.
निष्कर्ष
२०२५ मध्ये एक यशस्वी व्यवसाय सुरू करण्यासाठी आता मोठ्या भांडवलाची गरज नाही.
केवळ ज्ञान, योग्य प्रशिक्षण आणि स्मार्ट काम करण्याची तयारी असली की,
एक्सपोर्ट-इम्पोर्ट व्यवसाय कोणत्याही सामान्य व्यक्तीसाठीही शक्य आहे. जॉइंट
वेंचर स्ट्रॅटेजी ही एक सुवर्णसंधी आहे जी अगदी शून्य गुंतवणुकीत आपल्या आयुष्याला
नवा मार्ग देऊ शकते.