बायर्स कुठे शोधाल? एक्सपोर्ट-इंपोर्टमध्ये यश मिळवण्याचे वेबसाइट्सचे रहस्य
आज जगभरात व्यापाराचे दरवाजे खुले आहेत,
पण खरी अडचण कुठे येते माहिती आहे? "बायर्स कुठे सापडतील?" या प्रश्नाचं
उत्तर शोधण्यात!
जर तुम्हीही एक्सपोर्ट-इंपोर्ट
व्यवसायात उतरण्याचा विचार करत असाल, तर बायर्स मिळवणं ही पहिली आणि सर्वात
महत्त्वाची पायरी असते. आणि याच पायरीवर अनेक नवखे व्यापारी घसरतात. पण काळजी करू
नका – या लेखात आपण जाणून घेणार आहोत अशा काही वेबसाइट्सबद्दल, ज्या वापरून तुम्ही
खऱ्या आणि प्रामाणिक बायर्सपर्यंत पोहोचू शकता.
1.
B2B वेबसाइट्स: मोठी संधी, पण सावधगिरी हवी!
B2B (बिझनेस-टू-बिझनेस) वेबसाइट्स या
व्यापाऱ्यांना जगभरातील खरेदीदारांशी जोडतात. Alibaba आणि Indiamart
या दोन वेबसाइट्स खूप प्रसिद्ध आहेत आणि विश्वासार्हही. इथे तुम्हाला लाखो
बायर्सचा डेटाबेस मिळतो. पण लक्षात ठेवा, या प्लॅटफॉर्म्सवर 50% पर्यंत फेक
इनक्वायरीज येऊ शकतात.
म्हणूनच, खरी गोष्ट आहे – योग्य नॉलेज
आणि शहाणपणा! कोणताही अनोळखी बायर जर 'ट्रस्ट सर्टिफिकेट' मागतो, 'पेमेंट
लिंक'द्वारे पेमेंट करण्याची ऑफर देतो, तर सावध व्हा! एक्सपोर्टमध्ये सहसा बँक
टू बँक ट्रान्सफरचाच वापर केला जातो.
2.
TradeMap.org – आकडेवारी आणि बायर्स एकाच ठिकाणी!
ही वेबसाइट आहे आंतरराष्ट्रीय
दर्जाची. येथे तुम्ही देशनिहाय एक्सपोर्ट-इंपोर्टचे आकडे, बायर्सची नावं आणि इतर
डिटेल्स पाहू शकता. म्हणजे तुम्ही कोणत्या देशात कोणत्या प्रॉडक्टचा बायर शोधताय,
हे ठरवून थेट त्या देशातील खरी माहिती मिळवू शकता.
3.
Canadian Importer Database – कनाडामधील अधिकृत यादी
जर तुम्ही कनाडा मार्केट टार्गेट करत
असाल, तर 'Canadian Importer Database' हा एक सरकारी स्त्रोत आहे. Google मध्ये
फक्त "Canadian Importer Database" असं सर्च केल्यावर तुम्हाला कपडे,
अन्नपदार्थ, केमिकल्स आणि इतर अनेक क्षेत्रांमधील इंपोर्टर्सची अधिकृत लिस्ट मिळते
– तीही फ्रीमध्ये!
4.
Google Country Search – देशनिहाय गुगलचा वापर
Google ही साधी वाटणारी पण अफाट
शक्तिशाली टूल आहे. प्रत्येक देशासाठी Google वेगळं असतं. उदाहरणार्थ, जर्मनीसाठी
‘google.de’ आणि फ्रान्ससाठी ‘google.fr’. इथे तुम्ही "List of garment
importers in Germany PDF" असं सर्च केल्यास, संबंधित लिस्ट सहज मिळू शकतात.
5.
Export Promotion Council Websites – अधिकृत मार्गदर्शन
तुम्ही कोणत्याही खास प्रॉडक्टचे
उत्पादन करता का? शेतीमाल, फूड प्रॉडक्ट्स, टेक्सटाइल्स, हँडीक्राफ्ट्स…? तर
त्या-त्या क्षेत्रासाठी स्वतंत्र एक्सपोर्ट प्रमोशन काउंसिल असते. त्यांच्या
वेबसाइट्सवरून तुम्हाला थेट खरेदीदारांची माहिती मिळते.
पण
लक्षात ठेवा – यादी मिळवणं ही फक्त सुरुवात आहे!
खरा खेळ तेव्हा सुरू होतो जेव्हा
तुम्ही त्या बायर्सला approach करता. पहिल्या मेलला ते उत्तर देतीलच असं
नाही. पण सातत्य ठेवा. 3 ते 6 महिने लागतील, पण विश्वास ठेवा, योग्य प्रयत्न फळाला
जातात.
यशस्वी एक्सपोर्टर होण्यासाठी केवळ
वेबसाइट्स माहिती असणं पुरेसं नाही – गरज आहे योग्य मार्गदर्शन, स्ट्रॅटेजी आणि
आत्मविश्वासाची!
.png "Export promotion council")
तर मित्रांनो, आजपासूनच सुरुवात करा – या वेबसाइट्सना एक्सप्लोर करा, खरी
माहिती शोधा, आणि भारताचा माल जगभर पोहोचवा. तुमचं यश हे तुमच्या शोधण्याच्या
इच्छेवर आणि योग्य मार्गावर अवलंबून आहे.
जय बिजनेस! जय भारत!